"المتابعون يتحدثون"
النهاردة معانا مشاركة من واقع مرير ، قلب مفتور بحق وحقيقي ، عجز لساني عن وصف الوجع بين الحروف والسطور ، وكأني أرى دموعها وألمس وجعها بأيدي ، تركت المشاركة كما هي بدون تعديل فأي تعديل يصلح مع هذه المأساة الإنسانية الحقيقية .غيرت بعض الحروف ووضعت مسافات ونقاط وفواصل لتحسين القراءة
ساترككم الان للقراءة ، رجاءً لا داعي للتجريح أو تعليق الأخطاء على قلبها. المذبوح. بسيف. الغدر. اتمنى تكون التعليقات داعمة بحلول ومساعدة معنوية وجبر خواطر طبعا هي محتاجة لشخص يوجهها للطريق الصحيح وأتمنى تلاقيه في التعليقات
المشاركة بعنوان
" هل جزاء الإحسان إلا الإحسان "
لم اجد كلمات معبرة عن الحالة أكثر من هذه الآية الكريمة
……….
{ امي اتوفت بعد زواجي بخمس سنين . كان نفسها تفرح بخلفتي بس مفيش نصيب . والدي اتوفى بعدها بسنتين ومن اللحظة دي اتبقت اختي الصغيرة لوحدها تروح عند اخويا الاكبر مني كام اسبوع وتجي هربانه من ضغطهم عليها وتقعد عندي اكتر كانت مش بترتاح عند مرات اخويا وسط العيال الصغيرين كان عمرها وقتها سبع سنين وكنت بعتبرها بنتي مش اختي لاني لو خلفت كنت جبت بنت قدها او اصغر منها شويه ، زوجي كان بيحبها قوي من وهي عندها سنتين وقت الخطوبة ولما توفي والدي وهي ما ارتحتش عند اخويا قرر يتولى هو مسؤوليتها وتعليمها ، كنت فرحانه قوي باهتمامه بيها وكل يوم يجيب لها حلويات ولعب ويقعدها في حضنه ويأكلها ويمسح على راسها ويقولي مراعاتها ثوب كبير ، كنت فرحانه قوي باهتمامه وكلامه وتشجيعه لها في المدرسة واما تحصل مشكلة يجري اول واحد في المدرسة يدافع عنها.
مع الاسف جربت كتير اجيب عيل يشيل اسمه ويكون عوض وشكر على طيبته معايا ومع اختي بس معرفتش قعدت بعد امي احاول مفيش فايده ، لحد اما الوضع اصبح بيضغط على نفسيتي قوي اختي كبرت واحلوت فوق ما هي كانت حلوه وكمان هي دلوعه ونغشه تضحك وتتكلم كتير لحد ما تكسب الي قصادها وتخليه يعمل الي هي عايزاه.
بصراحه بدأت اغير منها من عمر ١٢ سنه عاتبت نفسي كتير واهتمت بيها اكتر عشان اعتذر منها ومنه على الشك الي كان بياكل في قلبي ، من حبي له والله اصله كل حاجه في حياتي حرفيا انا بشوف الدنيا من تحت رجليه حنين وطيب وكريم ، عشان كده مبقتش اتحمل نظراته اللي بتضحك لاختي ولا شراءه ليها اي شيء ولو لبانه ، اتعصب واضايق واخرج دا على شكل عصبية ، عند اما اختي كملت ١٨ سنة مقدرتش اتحمل اكتر من كده روحت لاخويا وطلبت منه يستضيف اخته عنده وشرحت له انها كبرت واصبحت اشفق على حجابها الي فوق راسها طول اليوم واكدت عليه ميقولش ليها اني كلمته .
تعبت اختي اكتر من مرة بسبب اللوز كانت متضخمة وفقدت الكتير من وزنها وخضعت لعملية جراحية للوز كان جوزي على طول مهتم بيها وخايف عليها يصحيني في نص الليل عشان اطمن عليها ، بقيت في حيرة بجد نص مني هيموت من غيرته والنص التاني مشفق على اختي لانه فعلا تعبانه وبتغيب عن الوعي وهي نايمة من كتر السخونة العالية ، كل دا وانا مهتمة بيها قوي وبعملها ظفر واجيب لها فاكهة وفيتامينات وقعدت جنبها بعد العملية لحد ما بقت كويسة جدا ، ورجعت انا لغيرتي وحرقة قلبي من اهتمام زوجي وعدم اهتمام اخويا بضم اختي عنده يقولها وكأنه بيعزم عزومة مركبية ويعمل نفسه زعلان ، صبرت لحد ما جه الفرج من عند ربنا واختي جالها كلية في محافظة تانية بعد ما عادة سنتين في الثانوية فرحت وشجعتها تسافر وياريتنى ما عملت كده ، المصيبة الي وقعت على راسي أنا سافرت واخدت قلب جوزي معاها ، والله وكأن قلبي كان حاسس تسافر هي من هنا وهو يلحق بيها في موضة جديدة اسمها شغل ومعينة بضاعة ، قعد الوضع كده لشهور لازم ما يمر اسبوع غير يكون مسافر يوم ويرجع بعد عني وبقى ينام في غرفة لوحده واصبح يفتعل المشاكل لحد ما جه في يوم وصارحني انه مبقاش متحمل الوضع ولازم نطلق لانه كبر والعمر اتسرق منه ولسه مفرحش على عيل من صلبة ، عيطت كتير له وترجيته نحاول تاني واعمل عمليات تانية ومش هشكي ولا أتألم منها ولكنه رفض وقال مبقاش في حاجه بيشعر بيها اتجاهي يخليه يحاول او يتحمل وضع زي دا ، خرج من البيت وانا انهرت والله الدنيا اسودت بعيني عشت ليالي وايام مش عارفه الصبح من الليل انام واصحى بدون اكل بقيت عامله زي المرضى النفسيين اعيط واتصل بيه وابعت له رسايل لحد ما قلبي انقسم وانفطر بورقة الطلاق انا مت حرفيا اما شوفت الورقة دي ، جه اخويا وبدل ما يطبطب عليا قعد يحملني الذنب ، مكنش ليا غيره كنت اروح عنده واتحمل مراته لاني كنت تايهه تعبانه خايفه انام لوحدي بسمع اصوات بليل مرعبة ، طلبت من اخويا يكلمه مش ضعف وله قلة كرامة اصله عشرة عمري وحياتي كلها قولت له اتصل وقوله انت هتدفع تمن العملية المرة دي وانا هقسطها لك هبيع دهبي والنقطة بتاعت المولود كلها ليك جرحتني مراته يومها وقالت انتي عاملة زي المكفن الي ضامن جنه ، عملت نفسي مش سامعه وقعدة اقنع في اخويا لحد ما وافق يتصل بيه ويقعد معاه لحد ما يقنعه ،
قعدت شهر على الامل دا لحد ما صدمتني مرات اخويا في يوم وانا جايه عندهم بليل عشان اقضي سواد الليل عندهم واروح الصبح وقالت
لازم تشوفي حل في موضوع الخوف حرام انتي بتتعبي انتي صعبانه عليا في المشورة دي وخصوصا ان مفيش حل ربنا يصبر قلبك محدش راح عليه غيرك هو متجوز ومبسوط وانتي الي متعذبه ، اقسم بالله يومها سقطت في الارض مقدرتش اقف على رجلي ، جوزي اتجوز اختي اختي الي اويتها عندي وكبرتها في حضني راح اتجوزها عليا ونقل حياته كلها جنبها في المحافظة التانية ، الي موتني بجد انها حامل منه حامل بعد شهر ونص بس من جوزهم ، هموت من القهر الي انا فيه والله بقيت زي المجانين لدرجة اديتهم الحق في الي عملوه فيا لاني غبية مستحقش يفضل معايا انا الي محفظتش عليه ، ياريت ينفع يجمع بيني وبينها والله كنت هرضى ولكن مينفعش ، مش عارفه اعمل ايه هموت من قهري و وجع قلبي
قوليلي اعمل ايه وله هتعملي ايه لو مكاني ومتقوليش انا غلطانه لاني عارفه اني غلطانه انا عايزه دواء يرفع وجع قلبي انا بموت كل يوم حرفيا بموت كل ما افتكر السنين الكتير الي كانوا مستغفليني وانا غبية اتخرست عشان صعبت عليا اختي ووثقت بجوزي اكتر من المفروض يتوثق}.
…….
سأترك لكم التعليق وانا ايضا سأشارك في التعليقات لأن أدراج عقلي توقفت بجانب مرضي وألم معدتي القوي لم أستطع الكتابة بشكل كافي و وافي . ولكني سأكتب واكتب .
رايحة بينا على فين يا دنيا …..